Міні-дзіцячы садок

Група кароткачасовага знаходжання з беларускай мовай навучання для дзяцей ад 2 да 7 гадоў

Заняткі ў групе тыпу міні-дзіцячы садок — гэта магчымасць для малянят займальна і з карысцю правесці час. Распрацаваныя намі праграмы  ўлічваюць узроставыя запатрабаванні дзяцей і накіраваныя на гарманічнае і своечасовае развіццё.

У кожны занятак абавязкова ўключаныя практыкаванні і гульні, якія спрыяюць развіццю ў дзяцей эмоцый, інтэлекту, гаворкі, увагі, памяці, уяўлення, а таксама ўсвядомленасці, адказнасці за свае дзеянні і здольнасці вырашаць пастаўленыя задачы. Маляняты атрымліваюць першы досвед самастойнасці, вучацца гуляць і мець зносіны між сабою і з дарослымі.

У аснове праграмы заняткаў —  міжнародная адукацыйная праграма «Step by Step»

У праграме паслядоўна рэалізуецца ідэя, што дзіця спазнае свет сам, выкарыстоўваючы і адначасова развіваючы свае прыродныя задаткі, здольнасці і схільнасці. Пры гэтым роля дарослага ў тым, каб далікатна і ненадакучліва дапамагаць яму, арганізаваць асяроддзе такім чынам, каб яно само «падштурхоўвала» дзіця да дзеяння.

Змест заняткаў:

• Фізічнае здароўе (аздараўленчая гімнастыка, хада, практыкаванні на развіццё спрыту, хуткасці і інш. рухальных навыкаў, калектыўныя гульні);
• Інтэлектуальнае развіццё (лік, чытанне, літары, развіццё ўвагі, логікі, памяці, мыслення);
• Ангельская мова;
• Тэатральныя заняткі (музычныя і танцавальныя заняткі, развіццё гаворкі);
• Заняткі на знаёмства з навакольным светам;
• Творчыя заняткі (лепка, маляванне, аплікацыя);
• Развіццё гаворкі (лагапедычныя і артыкуляцыйныя практыкаванні);
• Пясочная тэрапія, водная тэрапія, казкатэрапія.

Заняткі праводзіць Кацярына Глухоўская

Арганізацыя заняткаў

Дзеці ў групе знаходзяцца самастойна, без суправаджэння сваіх бацькоў. Група рознаўзроставая, што дазваляе малянятам лягчэй перанесці адаптацыю і цягнуцца ў развіцці за старэйшымі, а старэйшыя дзеці вучацца клапаціцца пра малянят, дапамагаць і вучыць іх.

Група да 8 чалавек.

Працягласць знаходжання ад 1 да 4-х гадзін тры разы на тыдзень. Азнаёміцца з раскладам заняткаў вы можаце тут або па тэлефонах у адміністратара

+375 29 654 09 54

+375 33 654 09 61

+375 25 614 39 85